05.11.2023 cü il tarixdə axşam saatlarında mühafizəsini təşkil etdiyimiz Abşeron Ticarət Mərkəzinin ərazisində işıqların sönməsindən istifadə edən naməlum şəxs özünün idarə etdiyi “VAZ-2106” markalı nəqliyyat vasitəsi ilə əraziyə daxil olaraq ərazidən əlvan metal oğrulamağa cəhd görsətmiş, lakin şirkətimizin mühafizəçi Elvin Hadi hadisəyə peşəkarcasına dərhal reaksiya verərək həmin şəxsə yaxınlaşmış, bu zaman şüphəli əlini belinə ataraq əvvəlcə mühafizəçiyə hücum çəkmək istəmiş, daha sonra peşəkar mühafizəçi ilə rastlaşdığını başa düşüb qaçaraq ərazidən uzaqlaşmışdır.
Hadisənin mühafizəçi Elvin Hadinin xidməti postundan 200 metr kənarda qaranlıq ərazidə baş verməsinə baxmayaraq onun ayıq-sayıqlığını, hadisəyə vaxtında reaksiya verməsini və düzgün qərar qəbul etməsini təqdirə layiq hesab edən şirkətimiz mühafizəçini pul mükafatı ilə mükafatlandırmış və işçilərin əməyinin yüksək qiymətləndirilməsi, onlar barəsində həvəsləndirici tədbirlərin görülməsi artıq şirkətimizdə ənənəvi hal almışdır.
